where the rain begins by anita nair

കേരളവുമായി ബന്ധപ്പെട്ട ചില കവിതകളും ലേഖനങ്ങളും കഥകളും കൊണ്ട് നിറഞ്ഞിരിക്കുന്നു. കവിതകളില്‍ താല്പര്യം കുറവാണ് ,അത് കൊണ്ട് ആ ഭാഗം ഞാന്‍ ഒഴിവാക്കി. ചുള്ളിക്കാടിന്റെ കവിതയില്‍ നിന്നാണ് തുടക്കം. തുടര്‍ന്ന്‍ പ്രശസ്തരായ പല എഴുത്തുക്കാരും എന്റെ കണ്ന്മുന്നില്‍ കൂടി കടന്നു പോയി. അവരില്‍ ഒന്നിലധികം പേര്‍ എന്നെ ആകര്‍ഷിച്ചു ,

ആദ്യം ശശി തരൂര്‍. ഭാഷയുടെ ലാളിത്യം, നമ്മളോട് പറഞ്ഞ കാര്യങ്ങളുടെ തീവ്രത. ചാര്‍ലിസ് എന്ന പയ്യന്‍ വളര്‍ന്ന് കളക്ടര്‍ ആയ കഥ. വിദ്യാഭ്യാസത്തിന്റെ മാറ്റൊലി കേരള സമൂഹത്തില്‍ വരുത്തിയ മാറ്റങ്ങള്‍. അധികാര സ്ഥാനത്ത് എത്തിയാല്‍ പിന്നെ അയിത്തം എന്നൊന്ന് ഇല്ലാതാവും.

സുരേഷ് മേനോന്റെ ദാസേട്ടനെ കുറിച്ചുള്ള ലേഖനം. സത്യത്തില്‍ മലയാളിയുടെ എല്ലാ വികാരങ്ങളും ദാസേട്ടന്റെ ശബ്ദത്തെ ചുറ്റി പറ്റിയാണ്. സന്തോഷം, ദുഃഖം, പ്രണയം ,വിരഹം അങ്ങനെ ഒരു മനുഷ്യ ഹൃദയത്തില്‍ ഉദിക്കുന്ന എല്ലാ വികാരങ്ങളും തീവ്രമാക്കുന്നത് ദാസേട്ടന്റെ പാട്ടുകളാണ്. ഏതൊരു മലയാളിയുടെയും സ്വകാര്യ അഹങ്കാരം.

അലക്സാണ്ടര്‍ ഫ്രാട്ടറിന്റെ chase the  monsoon വാങ്ങി  വച്ചിട്ട് കുറെ നാളായി പക്ഷെ ഇതു വരെ വായിച്ചു തുടങ്ങിയില്ല. എന്നാല്‍ അനിതാ നായര്‍ ആ പുസ്തകത്തെ കുറിച്ച് പരാമര്‍ശിച്ചിട്ടുണ്ട്. കോവളം തീരത്ത് നിന്നും മഴയെ പിന്തുടരുന്ന കഥ. കന്യാകുമാരി മുതല്‍ ബംഗാള്‍ വരെ. ലളിതാംബിക അന്തര്‍ജനത്തിന്റെ അമ്മയെ കുറിച്ചുള്ള കുറിപ്പുകള്‍.

മലയാളിയുടെ ശീലമായ മുണ്ട്. ചിലര്‍ വലത് വശത്ത് കുത്തുന്നു, മറ്റ് ചിലര്‍ ഇടത്തോട്ട് കുത്തുന്നു.കര ഉള്ളതും ഇല്ലാത്തതും. എത്ര വലിയ പദവിയില്‍ ഇരിക്കുന്ന മലയാളി ആയാലും വീട്ടില്‍ എത്തിയാല്‍ പിന്നെ കൈലി അല്ലെങ്കില്‍ മുണ്ട് ഉടുത്തില്ലെങ്കില്‍ പിന്നെന്ത്. ലാലേട്ടന്‍ മുണ്ട് മടക്കി കുത്തി വരുന്നതല്ലേ മലയാളിയുടെ സ്റ്റൈല്‍ . മമ്മൂക്ക ആയാലും അങ്ങനെ ഒക്കെ തന്നെയാണ്. ദിലീപിന്റെ സിനിമകള്‍ എടുത്താലും മുണ്ടിന് പ്രാധാന്യം ഉണ്ട്.

അങ്ങനെ മലയാളിയുടെ ശീലങ്ങളും , മലയാള നാടിന്റെ വിശേഷങ്ങളും കൊണ്ട് നിറഞ്ഞിരിക്കുന്നു ഈ പുസ്തകം.