അമ്മതൻ ഗർഭപാത്രത്തിൽ നാംബിട്ടൊരാ ജീവൻ
ബീജ സംയോജനത്തിൻ പരിണാമം
സന്തോഷത്തിരകളാടിയുയർന്നു
മനസ്സിൽ കുളിരേകി രസിച്ചു
മേഘാവൃതമായ് നീലാകാശം
മണിമുത്തുകളായ് മണ്ണിൽ പതിച്ചു
മൊട്ടിൽ നിന്നും പൂവിടരുന്നതും കാത്ത്
കൊതിയോടിരിപ്പു അമ്മ മനം
വായുവും വെള്ളവും ഭക്ഷണവുമേകി
കാത്തുസൂക്ഷിച്ചു പൂമൊട്ടിനെ
നൊമ്പരമേതുമറിയാതെ വിടർന്നൊരാ പൂവിനെ
വാരിപ്പുണർന്നൊന്നു നെറുകിൽ ചുംബിച്ചു
കാറ്റിനും വെയിലിനുമസൂയ തോന്നി
പൂവിനെ വാടിയുണക്കാൻ ശ്രമിച്ചു
സൃഷ്ട്ടിച്ചു ദൈവം ആണെന്ന കൊടുങ്കാറ്റിനെ
വേറിയോടെ പൂവിനെ ഞ്ഞെരിച്ചമർത്തീടുവാൻ
ഇതളുകളോരോന്നായടർത്തി മാറ്റി
ജീവനും ഗന്ധവുമില്ലാതാക്കി
ഒടുവിലാരും തിരിഞ്ഞു നോക്കാത്ത
ഏതോ കുറ്റിക്കാട്ടിലുപേക്ഷിച്ചു
ആ പാവം പൂവിനെ
നിറ കണ്ണുകളോടെ നിരാലംബയായ് നിൽപ്പു
അമ്മ
തന്റെ ഗർഭപാത്രത്തെ പഴിചാരി .
No comments:
Post a Comment