പൂന്തോട്ടം

നവസുദിനത്തിൽ പൊൻകിരണങ്ങൾ
പുല്കിയുണർത്തിയ പുഷ്പങ്ങൾ
ഇതളുകൾ വിടർത്തി മണ്ണിലും വിണ്ണിലും
സുഗന്ധമുയർത്തിയ പുഷ്പങ്ങൾ

മധുരമാം തേനൊന്നു നുകരുവാനണയുന്ന
ശലഭങ്ങൾ പാറിപ്പറന്നു
പൂക്കളും കായ്കളും തേനിൽ തുളുമ്പി
ചുംബനമേറ്റു തുടുത്തു

കുഞ്ഞിക്കുരുവികൾ കളം കളം പാടി
കുരുവിതൻ കൂട്ടിൽ മയങ്ങി
സൂര്യനും ചന്ദ്രനും കാത്തുസൂക്ഷിച്ചു
കുരുവിക്കുരുന്നിനെ എന്നും 

 ഇലകൾ തന്നോരത്ത് തുള്ളികളൊഴുകി
കുളിരും കുളിർമ്മയുമേകി
തണ്ടിലും ശിഖരത്തിനുള്ളിലുമെത്തി
മഞ്ഞിന്റെ സ്നേഹാദരങ്ങൾ

പൂക്കളിലൊന്നിനെ നുള്ളിയടർത്താൻ
കൈവിരൽ മെല്ലെ അടുത്തു
മുള്ളൊന്ന് കൊണ്ടപ്പോൾ ചോര പൊടിഞ്ഞു
വിരലുകൾ പിന്നോട്ടു പോയി