ക്ഷമിക്കുക നീ

പൂക്കളും കായ്കളും മരങ്ങളും ലതകളും
പക്ഷിമൃഗാദികളും കാട്ടരുവിയും
ഓളങ്ങളൊരുക്കുന്ന പുഴയും
എല്ലാത്തിനെയും സ്നേഹിച്ച് നടക്കവേ
അക്ഷരങ്ങളെ സ്നേഹിക്കാൻ ,
പ്രണയിക്കാൻ മറന്നു .
സമയംകൊല്ലി വേലകൾ ചെയ്തന്നേരം
ഓർത്തില്ല അക്ഷര രാജാക്കന്മാരെ .
കേട്ടു പരിചിതമായ വാക്കുകളിൽ പരതി,
വായിച്ചു മറന്ന പുസ്തകങ്ങളിൽ വരികൾ തേടി,
നിത്യ ഹരിത ഗാനങ്ങളിൽ മുങ്ങി നിവർന്നു,
സ്നേഹിച്ച പുഴയോടും കാടിനോടും
മാറി മാറി ചോദിച്ചു , കടമായെങ്ങിലും
സഹായഹസ്തമെങ്ങുനിന്നോ വരുമെന്ന്
പ്രതീക്ഷിച്ച് വിഡ്ഢിയായ് വീണ്ടും .
ഭൂമിയിലങ്ങിങ്ങു പിറക്കുന്നു വാക്കുകൾ
എന്നിട്ടുമെന്റെ പ്രണയ നിഘണ്ടു ശൂന്യം
നിനക്കൊരു പ്രണയ ലേഖനമെഴുതാനാവാത്ത
എന്നോട് ക്ഷമിക്കുക നീ , മറ്റൊന്നിനുമല്ല
പറയാനാവാത്ത പ്രണയത്തിനായ്‌ മാത്രം .